UEFA Euro 2016 | |
---|---|
![]() Logo van die Sokkerkampioenskap | |
Toernooi-inligting | |
Gasheerland | ![]() |
Datums | 10 Junie – 10 Julie |
Spanne | 24 (van 1 konfederasie) |
Stadions | 10 (in 10 stede) |
Finale uitslag | |
Kampioene | ![]() |
Tweede plek | ![]() |
Toernooi-statistieke | |
Wedstryde gespeel | 51 |
Doele | 108 (2.12 per wedstryd) |
Bywoning | 2 427 303 (47 594 per wedstryd) |
Meeste punte | ![]() (6 doele) |
Beste speler | ![]() |
← 2012 2021 → |
Die Europese Sokkerkampioenskap 2016 (UEFA Europa-beker; amptelik UEFA EURO 2016 of kort Euro 2016, Frans: Championnat d'Europe de football 2016) is van 10 Junie tot 10 Julie 2016 in Frankryk aangebied. Dit was die 15de aanbieding van die vierjaarlikse UEFA Europa-beker-toernooi en die derde keer (1960, 1984 en 2016) wat Frankryk die geleentheid gekry het om as gasheer op te tree.
Vir die eerste keer in die geskiedenis het 24 spanne vanuit verskeie Europese lande aan die toernooi deelgeneem. Dit is ’n uitbreiding van 8 spanne, waardeur daar ook 20 wedstryde meer gespeel is. Die sokkerspanne van Albanië, Noord-Ierland, Slowakye, Wallis en Ysland het vir die eerste keer aan die UEFA Europa-beker-toernooi deelgeneem.
Spanje was die tweemalige houer en die verdedigende kampioen van die UEFA-trofee, nadat hulle die toernooie in 2008 en in 2012 gewen het. Portugal het die trofee gewen nadat hulle die gasheer Frankryk op 10 Julie op die Stade de France in Saint-Denis met 1–0 in ekstra tyd geklop het en sodoende hul eerste Europese titel ingepalm het; Portugal het daarmee regstreeks vir die FIFA Sokker-Konfederasiebeker in 2017 in Rusland gekwalifiseer.[1] Die verdedigende kampioen Spanje is in die agtste eindrondte uitgeskakel.